宜家去機場食魚蛋粉，真係由以前「有錢人嘅玩意」變成宜家唔食過都唔配係去過機場咁。所以上年環亞機場貴賓室就新開咗「Plaza Premium First」，就算你係揸住入到環亞嘅信用卡定係尊貴嘅 Priority Pass，現時都要加多 $260 先入得去，又再一次成功杜絕小編呢啲窮人喇。不過，原來有個方法可以免費入 Plaza Premium First，甚至可以帶一位朋友入 Plaza Premium Lounge！
講嘅就係環亞推出嘅應用程式 Arrture 喇！呢個 Arrture 係環亞嘅會員計劃，你可以喺貴賓室度登記，或者喺手機 App 登記都可以。
之後入 Lounge 時，攞你嘅信用卡或者 Priority Pass 會員卡同機票比職員時，就可以比埋個會員 QR code 比佢掃，每入一次就可以儲 100 分喇！
儲夠 1500 分，就可以換到一張升級去 Plaza Premium First 嘅通行證，而呢張通行證需要配合入到普通環亞嘅信用卡/ PP 會員卡一齊用，否則就要用 4000 分換無限制通行證。
除咗升級外，你仲可以用 2500 分換一張普通環亞候機室嘅通行證，咁得閒陪爸爸媽媽去旅行都可以帶埋佢地入去啦~~
如果你好似小編嘅表姐咁有成五六七張入到環亞嘅卡，帶埋朋友入去 Lounge，都可以記埋入你自己嘅帳戶！
那麼如果只有一個人，又點樣喺一次旅行賺爆積分呢？
假設你去台北旅行，持有一張可以無限次進入環亞嘅信用卡，咁你可以先去哂香港離境 2 個貴賓室，先儲咗 200 分，去到台灣回程去 4 個離境貴賓室，最後返到香港入境的貴賓室， 總共 700 分。這樣去四次旅行就可以享受一次 Plaza Premium First 的服務了～～
下載連結：Play Store，App Store
飛台北一轉賺700分還有嗎？下星期出發了，謝謝你